افضل العاب الاندرويد والايفون 2024 – العاب اندرويد و ايفون .

آخر تحديث : 5 يونيو، 20240 621

يسعدني ان اقدم لكم من خلال مقال اليوم افضل العاب الاندرويد والايفون 2024 مجموعة متنوعة من اروع واجمل العاب الاندرويد والايفون حيث ان غالبية الالعاب التي سوف نقدمها لكم اليوم متاحة علي متجر جوجل بلاي لهواتف الاندرويد ومتجر اب ستور لهواتف الايفون فتابع معنا هذا المقال للنهاية .

محتوى المقال عرض

افضل العاب الاندرويد والايفون 2024 – العاب اندرويد – العاب ايفون .

كتير من الاوقات بنحتاج للتسلية والترفيه عن نفسنا شوية فبنلجأ للموبايل سواء لمشاهدة الفيديوهات او عشان نلعب شوية وعشان كدة وفرنا ليك يا صديقي ومن خلال مقال اليوم افضل العاب الاندرويد والايفون 2024 – العاب اندرويد – العاب ايفون مجموعة متنوعة من الالعاب المختلفة زي العاب الذكاء والالعاب الاستراتيجية والعاب فيها شخصيات اسطورية .

قد يهمك :

لعبة Expo 2020 .

افضل العاب الاندرويد والايفون 2022 - العاب اندرويد - العاب ايفون .

لعبة Expo 2020 اعتقد انها من ضمن الالعاب الدعائية لمعرض اكسبو في الامارات لان قصة اللعبة كلها عبارة عن خريطة هي في الاساس معرض اكسبو اللي كان في مدينة دبي الاماراتية وبما ان معرض اكسبو في الامارات كان بعنوان تواصل العقول وصنع المستقبل فأكيد اللعبة عبارة عن مجموعة من الالغاز اللي هتحس انها صعبة شويتين .

بالاضافة الي سباقات سواء سيارات او طيارات بسرعات كبيرة جدا هتلاحظ ان الذكاء الاصطناعي بتاعهم عالي جدا كانك بتلعب مع الاعبين حقيقين ومحترفين في اللعبة فلو انت من عشاق الالعاب اللي بتجمع بين الالغاز والسباقات والاهتمام بالذكاء الاصطناعي والتطور الكنولجلي فانا متأكد جدا ان اللعبة دي هتعجبك وأكيد هتحملها وتجربها واللعبة نقدمها لكم من خلال مقال اليوم افضل العاب الاندرويد والايفون 2024 – العاب اندرويد – العاب ايفون بحجم 422 وهي متوفرة لهواتف الايفون والاندرويد مجانا .

تحميل للايفون

تحميل للاندرويد

لعبة Captor Clash .

لعبة captor clash من ضمن الالعاب الغريبة شوية واللي بتجمع مابين الـ 2D والـ 3D وده لان اللعبة من منظور التو دي الثابت لكن كحركة الشخصيات نفسها فتقدر انها تتحرك بتقنية الثري دي وده لان الشخصيات الموجودة في اللعبة بتقدر تتحرك بمنتهي الحرية لفوق او لتحت شمال ويمين زي منتا حابب .

وبصراحة يمكن ده واحد من عيوب اللعبة لان نظام اللعبة كدة قديم جدا يمكن كان موجود في لعبة زي سلاحف النينجا اللي كانت موجودة علي الاتاري العادي من حوالي 25 سنة ! ، صحيح في العاب كتير بتهتمد علي تقنية التو دي الي وقتنا الحالي لكنها بتعوض ضعف التقنية دي بالجيرافيك القوي جدا اللي بتحطه في اللعبة مع مثلا سلوموشن مع المهارات وغيرها من الاضافات اللي بتزود من حماس واثارة اللعبة اللي ممكن تنسيك اصلا ان اللعبة تو دي ونقدمها لكم من خلال مقال اليوم افضل العاب الاندرويد والايفون 2024 – العاب اندرويد – العاب ايفون بحجم 372 ميجا وهي متوفرة للاندرويد فقط .

تحميل للاندرويد

لعبة Sclerosis the dark descent.

لعبة Sclerosis the dark descent واحدة من اقوي واجمل العاب الرعب اللي ممكن تجربها علي موبايلك وقصة اللعبة جميلة وشيقة مع بطلنا دانيال اللي بتبدء احداث القصة بوجوده في قلعة مرعبة جدا وهو لسه صاحي من النوم وهو مش فاهم ايه اللي جابه للقلعة ولا احنا بصراحة لان احداث اللعبة بدات وهو لسه صاحي من النوم لكنه بيلاقي مذكرة هو نفسه ماضي عليها ومكتوب فيها انه اختار انه ينسي الماضي بتاعه عشان مليان ذكريات سيئة .

المهم ان هدف دانيال الاساسي هو الخروج من القلعة المرعبة ومن هنا بتبدء بقي احداث اللعبة الفعلية ومغامراتها بالجيرافيك المميز بتاعها وانظمة الصوت المميزة اللي هتعيشك حرفيا في جو من الرعب والخوف وده بيتم عن طريق حل الكتير من الالغاز الموجودة في كل مكان تقريبا في القلعة ونقدمها لكم من خلال مقال اليوم افضل العاب الاندرويد والايفون 2024 – العاب اندرويد – العاب ايفون بحجم 751 ميجا وهي متوفرة للاندرويد فقط .

تحميل للاندرويد

لعبة Rollflow .

لعبة Rollflow زي منتا شايف كدة يا صديقي من العاب التحكم في الكرة المتدحرجة ولكن اللعبة هنا مختلفة شوية مش زي غالبية العاب التحكم في الكرة اللي بتحركها انت بايدك او تعملها خط محدد وهي تتحرك عليه لا هنا الوضع مختلف شوية الكورة هي اللي بتتحرك وانت مطلوب منك توفرلها مكان تتحرك من خلاله مع تجنب العقبات اللي ممكن تفجر الكورة وتخليك تخسر وتعيد المرحلة من الاول .

اللعبة الجيرافيك بتاعها مميز جدا رغم صغر حجمها لكن الحاجة اللي مش حلوة في اللعبة هي ان رغم توافر 59 مرحلة مختلفة في اللعبة الا انك علي النسخة المجانية مش هتلعب غير في 17 مستوي فقط والباقي عشان تلعب فيه لازم تشتري الاصدار الكامل من اللعبة ونقدمها لكم من خلال مقال اليوم افضل العاب الاندرويد والايفون 2024 – العاب اندرويد – العاب ايفون بحجم 106 ميجا وهي متوفرة للاندرويد فقط .

تحميل للاندرويد

لعبة Mir4 .

لعبة Mir4 واحدة من اجمل العاب الار بي جي وكمان اللعبة بتعمد علي طريقة العالم المفتوح وده اللي بيميز اللعبة بشكل كبير بالذات ان اللعبة من ضمن الالعاب الاونلاين الي هتقابل فيها الاعبين حقيقين واللعبة طبعا زي منتا شايف كدة جيرافيك من اقوي الجيرافيك الموجود علي متجر جوجل بلاي وده طبيعي جدا للعبة داخلة علي 3 جيجا .

اما قصة اللعبة فمستوحاه من الشخصيات الاسطورية الكورية او اليابانية ولو انت لعبت لعبة ماتين 2 سواء الاصدار الرسمي او السيرفرات الخاصة هتحس بالتشابه الكبير بين الشخصيات الموجودة في ماتين وفي لعبة Mir4 وطبعا كون اللعبة بتعتمد علي العالم المفتوح اللي هي لعبة بلا نهاية تقدر تنضم الي عشيرة تساعدك في المهام المطلوبة منك بمساعدة اصدقائك الموجودين في العشيرة .

بشكل عام اللعبة جميلة جدا ولو انت من عشاق الالعاب اللي فيها شخصيات اسطورية فانا متأكد جدا ان اللعبة دي هتعجبك وتجربها بالذات ان اللعبة متوفرة للايفون والاندرويد ونقدمها لكم من خلال مقال اليوم افضل العاب الاندرويد والايفون 2024 – العاب اندرويد – العاب ايفون بحجم 2.9 جيجا وهي متوفرة للاندرويد والايفون .

تحميل للاندرويد

تحميل للايفون

لعبة Northgard .

لعبة Northgard واحدة من اجمل الالعاب الاستراتيجية اللي بتدور احداثها في العصر الاسكندنافي وده هو العصر الذهبي للفايكينج وقصة اللعبة بتتكلم عن اكتشاف قارة جديدة ومن هنا بقي بتبدء الاحداث الفعلية للعبة وهي محاولة السيطرة عل القارة الجديدة .

وزي مقولنا ان الهدف الاساسي في اللعبة هو السيطرة علي القارة الجديدة فلازم بقي تبدء تجهز نفسك وتنشئ مستوطنة ليك في القارة الجديدة وتبدء في توزيع الادوار علي الفايكينج الموالين ليك في مختلف المجالات في الزراعة والبحار والحروب وطبعا مع الوقت هيزيد عدد افراد جيشك فلازم تبدء تتوسع وتسيطر علي المستوطنات اللي حوليك عشان تقدر تحقق هدفك الاساسي من اللعبة وهو السيطرة علي القارة المكتشفة جديد ونقدم اللعبة لكم من خلال مقال اليوم افضل العاب الاندرويد والايفون 2024 – العاب اندرويد – العاب ايفون بحجم 200 ميجا وهي متوفرة لهواتف الاندرويد والايفون .

تحميل للاندرويد

تحميل للايفون

لعبة Ryuko – Legend of Shadow Hunter .

لعبة Ryuko – Legend of Shadow Hunter اللي بتمتلك قصة جميلة جدا واللي هي عبارة عن بطلة قوية جدا اسمها ريوكو ننسي ريوكو شوية ونتكلم عن منطقة العيون السوداء واللي هي كانت عبارة عن مكان لمحاربين النيجا في العصور الوسطي المكان ده كان اسمه كوروم طب مال ايه منطقة العيون السوداء دي لا ده لقب اطلق عليهم بعد ماصيبوا بلعنة بسبب تعويذة واحدة منهم عملها وده ادي الي ان كلهم يتلعنوا ويتحولوا لاصحاب عيون سوداء وعدوانيين جدا ضد البشر .

وهنا بقي بنرجع مرة تانية لبطلة لعبتنا اللي اتكلمنا عنها من شوية اللي هي ريوكو بتضطر ريوكو ان هي تروح لارض العيون السوداء والقتال ضد ابطال النينجا الملعونين بسبب التعويذة اللي قولنا عليها من شوية عشان تنقذ جدها المتواجد هناك ومن هنا بقي بتبدء احداث اللعبة ومش عايز احرق اللعبة اكتر من كدة لان اللعبة حرفيا تستحق انك تجربها وتستمتع بيها ونقدمها لكم من خلال مقال اليوم افضل العاب الاندرويد والايفون 2024 – العاب اندرويد – العاب ايفون بحجم 293 ميجا وهي متوفرة للاندرويد فقط .

تحميل للاندرويد

لعبة FreeFire max .

لعبة FreeFire max واحدة من اجمل العاب الباتل رويال وطبعا هي واحدة من اصدارات اللعبة الشهيرة فري فاير ومن انتاج وتطوير نفس الشركة وتقدر تدخل بحسابك في فري فاير العادية في لعبة FreeFire max اللعبة طبعا فيها بعض الاختلافات عن الاصدار الرئيسي ونقدر نقول انها نسخة خفيفة من اللعبة علي غرار ببجي لايت كدة .

طبعا اللعبة غنية عن التعريف و بشكل عام اللعبة من العاب الباتل رويال اللي لازم تفضل فيها لاخر واحد عشان تكسب بصرف النظر عن عدد الكيلات اللي عملتها يعني ممكن واحد عامل 20 كيل وتفضل انت وهو لاخر الجيم وتقتله وتعمل واحد كيل فقط وانت اللي تكسب لانك حققت الهدف من اللعبة وهو البقاء علي قيد الحياة .

تحميل للاندرويد

تحميل للايفون