تحميل لعبة alchemy stars – تحميل لعبة alchemy stars للاندرويد والايفون .
مقدمة عن لعبة alchemy stars .
من خلال نظرتك الاولي للعبة هتستغرب ازاي لعبة بالسهولة دي حجمها اتنين جيجا ونص وبتاخد مساحة ع الموبايل حوالي تلاتة جيجا وشوية بتتلعب بالسهولة دي لان فكرتها بسيطة جدا وهي الانتقال من خلال المكان الي بتبدء فيه اللعبة علي نفس اللون من البلاط عشان توصل او تقرب من الخصوم الموجودة علي ساحة القتال وتضربهم وتنتصر عليهم .
لكن في الحقيقة اللعبة فكرتها اكبر من كدة بكتير من خلال المهام الصعبة جدا الي هتقابلها لما تتقدم شوية في اللعبة كمان لما تجمع ابطال كتير وتعرف ايه المميز في كل بطل منهم وده لان كل واحد من الابطال ليه مميزاته الخاصة الي هتحتاج ليها في المراحل والمهمات المختلفة في اللعبة .
شاهد ايضا :
كمان تقدر انك تطور الابطال اللي بتجمعهم وترفع من مستواهم بالاضافة الي امكانية تشكيلهم علي عدة تشكيلات معدة مسبقا علي حسب قناعتك بالمهارات الخاصة بكل بطل من ابطالك تقدر ترتبهم وده من خلال حيار formation الموجود تحت علي اليمين بيظهر الابطال بتوعك وتقدر تربتهم من خلال اربع خطط مسبقة حسب قناعتك بمهارة كل بطل منهم .
بالاضافة الي درجة صعوبة المرحلة او المهمة اللي انت هتلعبها بحيث انك لو خسرت مرة تقدر تجرب خطة بديلة بتغيير اماكن ابطالك وده بيختلف في ترتيب الضرب يعني اول بطل هتركبه من علي اليسار هو اول واحد هتقدر تبدء بيه الضرب او تنفذ المهارة الخاصة بيه وتاني بطل هو اللي هيبدء الهجوم التاني .
معلومات لعبة alchemy stars .
| اسم اللعبة | alchemy stars |
| نوع اللعبة | العاب مغامرات |
| الشركة المطورة للعبة | شركة PROXIMA BETA |
| حجم اللعبة | 2.5 جيجا |
| الاصدار الرسمي للعبة | من متجر جوجل بلاي |
| متطلبات التشغيل | اندرويد 8.0 |
| التقييم علي متجر جوجل بلاي | 4.6 |
| عدد مرات التحميل من متجر جوجل بلاي | اكثر من مليون عملية تحميل |
لعبة alchemy stars التي نقدمها لكم من خلال مقال اليوم من انتاج وتطوير شركة PROXIMA BETA ونقدمها لكم اليوم يا اصدقائي بحجم 2.5 جيجا للاصدار الرسمي من متجر جوجل بلاي اللي بتمتلك عليه احصائيات مميزة جدا بتقييم وصل الي 4.6 مع عدد مرات تحميل باكثر من مليون مرة .
بعض الصور من داخل اللعبة .
فيديو شرح للعبة alchemy stars.
قصة لعبة alchemy stars .
طيب خلينا نتكلم شوية عن قصة اللعبة والي بتدور احداثها كلها في عالم الفلك والفضاء الخارجي وكانت الامور هادية ومستقرة هناك وكل حاجة ماشية تمام لمئات السنين ولكن فجئة بتظهر كائنات مظلمة اسمها “اكلبسايتس” بيتم التحكم فيهم من خلال مجموعة من قوي الشر وبعد انتهاء الحرب بيتبقي سلالتين فقط وهما قوي الظلام و الاورو ودول نسبتهم قليلة جدا بالنسبة لقوي الظلام .
الاحداث الموجودة في اللعبة .
اللعبة فيها احداث (event) كتير جدا وده سبب حجمها الكبير والمساحة اللي بتاخدها علي الموبايل وقدر تعرف كل الاحداث اللي فيها من خلال علامة التعجب الموجودة علي اليسار تحت علامة الرسائل بتضغط عليها وبيظهرلك خيارين واحد فيه بعض الملاحظات عن اللعبة والتاني وهو اللي يهمنا هو بتاع الاحداث الي بيظهر فيه كل انواع الاحداث الموجودة في اللعبة مع شرح مفصل للي بيحصل في الحدث لكن للاسف باللغة الانجليزية ونتمني انه يتم اضافة اللغة العربية للعبة قريبا لان ده الاصدار العالمي من اللعبة .
طبعا اللعبة بتعتمد علي التطور المستمر عشان تقدر تتميز في اللعبة وتوصل لكل حاجة فيها يعني مثلا عشان تعرف تدخل الي قائمة الاحداث اللي اتكلمنا عنها من شوية واللي بندخلها من علامة التعجب اللي موجودة تحت علامة الرسايل لازم توصل للزعيم الاول وتنتصر عليه وده موجود في قتال explore في المهمة 1/9 .
برضه علي سبيل المثال لما ندخل قائمة الاحداث لو جيت مثلا تجرب اي واحد من الاحداث او التحديات الموجودة في قائمة الاحداث هتلاحظ انه بطلب منك توصل مكان معين سواء في مهمات الاكسبلور او اي مهمة غيرها من المهام الختلفة في اللعبة يعني مثلا لو جينا نجرب تحدي spire challenge enless rewards هتلاحظ انه ظهرتلك رسالة بتقولك لازم تتخطي مرحلة 14/4 ودي موجودة في مهما الاكسبلور عشان تقدر تخوض التحدي ده .
ميزة اضافة الاعبين والتواصل مع صدقائك داخل اللعبة .
وبما ان اللعبة دي اونلاين تقدر تضيف اي حد من اصحابك لو حد منهم بيلعبها وده من خلال العلامة اللي فوق علي الشمال اللي فيها علامتين سمايل بندخل عليها ونضغط علي كلمة add ويكون معاك الاي دي بتاع صديقك بتعمله لصق او تكتبه لو حافظه وتضغط علي كلمة سيرش وتضغط علي علامة الزائد اللي جمبه .
تجميع المكافئات عن طريق الرسائل .
كمان لازم تاخد بالك من علامة الرسائل وتدخل عليها كل فترة لان بيوصلك من وقت للتاني رسائل في مكافئات عشان مثلا وصلت مرحلة معينة او قتلت وحش معين فلازم كل فترة تشيك علي الرسايل بتاعتك عشان لو وصلك اي مكافئة تجمعها وتستفاد بيها .
طريقة استعراض وتطوير الابطال الخاصة بيك .
تقدر طبعا تشوف الابطال بتوعك وتطور مستوياتهم من خلال الضغط علي كلمة auroian من تحت علي اليمين وتضغط علي اي بطل منهم وهتلاقي تحت علي اليمين كلمة upgrade بتضغط عليها وتختار اي واحدة من ادوات التطوير وبعدين تضغط علي upgrade .
انواع القوي الخارقة الخاصة بكل بطل من ابطالك .
هتلاحظ انه كل بطل من ابطالك عنده علامة مميزة اللي لونها احمر واللي لونها اخضر واللي لونها اصفر ودي بقي نوع البطل الخاص بيك وهنوضح كام نوع كدة من الانوع الموجودة في اللعبة .
- العلامة الخضراء : قوة الغابات
- العلامة الزرقاء : قوة الماء .
- العلامة الحمراء : قوة النار
- العلامة الصفراء : قوة الرعد .
كدة احنا تقريبا اتكلمنا عن كل حاجة في اللعبة وفهمنا ان اللعبة عبارة عن حرب بين قوي الشر متمثلة في الهجوم اللي حصل من قبل اكلبسايتس واللي بيتم التحكم فيهم من قبل قوي الظلام وبين مجموعة من الابطال اصحاب المهارات المختلفة ودي اللي ممارس اللعبة بتحكم فيها واتكلمنا ان سر التميز في اللعبة هو الاستمرار في اللعبة لان كل حاجة في اللعبة متلعقة بتقدمك في مهام اللعبة المختلفة وكل حدث او تحدي في اللعبة بيتطلب منك انك تكون وصلت لمرحلة معينة من مراحل اللعبة عشان تقدر انك تدخله وتلعب فيه .
روابط تحميل لعبة alchemy stars .
فيديو مقترح من قناتنا علي اليوتيوب
بلغ عن رابط لا يعمل او مشكلة تواجهها
وبكدة يا اصدقائي نكون وصلنا لنهاية مقال اليوم بخصوص تحميل لعبة alchemy stars – تحميل لعبة alchemy stars للاندرويد والايفون ، اذا واجهتك اي مشكلة يمكنك التواصل معنا عبر التعليقات .
مقالات مميزة أكيد هتعجبك .
- تحميل برنامج تغير الصوت في ببجي APK VoiceFX مجانا للاندرويد والايفون
- تحميل تطبيق B612 v13.3.20 مهكر APK اخر اصدار 2024 مجانا
- تحميل برنامج 90 فريم مهكر ببجي للاندرويد من ميديا فاير fps premium مهكر
- تحميل تطبيق GB Instagram v349.0.0.0.58 مهكر APK اخر اصدار 2024 مجانا
- تحميل تطبيق Planner 5D v2.16.3 مهكر APK اخر اصدار 2024 مجانا
محتوى المقال
- تحميل لعبة alchemy stars – تحميل لعبة alchemy stars للاندرويد والايفون .
- مقدمة عن لعبة alchemy stars .
- معلومات لعبة alchemy stars .
- بعض الصور من داخل اللعبة .
- فيديو شرح للعبة alchemy stars.
- قصة لعبة alchemy stars .
- الاحداث الموجودة في اللعبة .
- ميزة اضافة الاعبين والتواصل مع صدقائك داخل اللعبة .
- تجميع المكافئات عن طريق الرسائل .
- طريقة استعراض وتطوير الابطال الخاصة بيك .
- انواع القوي الخارقة الخاصة بكل بطل من ابطالك .
- روابط تحميل لعبة alchemy stars .
- فيديو مقترح من قناتنا علي اليوتيوب
- بلغ عن رابط لا يعمل او مشكلة تواجهها
- مقالات مميزة أكيد هتعجبك .
